شيخ حافظ عبدالغني ڊاڪٽر

شيخ، حافظ عبدالغني، ڊاڪٽر: ڊاڪٽر عبدالغني شيخ، 16 آگسٽ 1960ع تي لاڙڪاڻي شهر ۾ ڄائو. شروعاتي تعليم ٺري ميرواهه ضلعي خيرپور مان، مئٽرڪ گورنمينٽ هاءِ اسڪول ٺٽي مان فرسٽ ڪلاس ۾ پاس ڪيائين، جنهن بعد انٽر آرٽس ۾ پهريون نمبر، بي. اي فرسٽ ڪلاس ۾ ۽ ايم. اي عربيءَ ۾ پڻ پهرين پوزيشن حاصل ڪيائين. فاضل درس نظامي ۾ اي گريڊ، پبلڪ ائڊمنسٽريشن ۾ ڊپلوما فرسٽ ڪلاس سيڪنڊ پوزيشن ۽ تجويد القرآن ۾ ڪيائين. جنهن بعد ايل. ايل. بي جي امتحان ۾ پڻ امتيازي حيثيت حاصل ڪيائين. حافظ عبدالغني شيخ، ڊاڪٽر مدد علي قادريءَ جي رهنمائيءَ ۾ ‘تذڪرة العلماءِ لاڙڪانه ومساعيهم العلوم العربيه’ جي عنوان هيٺ هڪ تحقيقي مقالو لکي 1993ع ۾ سنڌ يونيورسٽي ڄام شوري مان ڊاڪٽوريٽ جي سند حاصل ڪئي. هيءُ تصنيف، ترجمي، ترتيب ۽ مقالا لکڻ ۾ مهارت رکي ٿو. سندس مقالا عربي ۽ سنڌي زبانن ۾ لکيل آهن. پاڻ هن وقت سنڌ يونيورسٽيءَ جي عربي شعبي ۾ پنهنجون تدريسي ذميواريون سرانجام ڏئي رهيو آهي.


هن صفحي کي شيئر ڪريو

داخلا ۾ استعمال ٿيل تاريخون

1960.08.16  عيسوي

ڊاڪٽر عبدالغني شيخ، 16 آگسٽ 1960ع تي لاڙڪاڻي شهر ۾ ڄائو.



شخصيتون - ڀاڱي جون ٻِيون داخلائون

ٿامس هينري ونس
سلا خان ڊومينيق ڊاڪٽر
جتوئي وحيد
سيد سليمان ندوي
ڄام ساقي
ذاڪر حسين ڊاڪٽر
سيد دادن شاهه جهانيان
ابڙو الياس پروفيسر
بطليموس
الف شاهه شهيد ۽ مست علي شاهه
شخصيتون ڀاڱي جا وڌيڪ مضمون